Vinicius Junior vill vera áfram hjá Real Madrid.
Vinicius Junior var algjörlega frábær með Real Madrid þegar liðið slátraði Mónakó 6-1 í Meistaradeildinni í gær. Hann skoraði eitt mark og átti þrjár stoðsendingar.
Framtíð Brassans hefur verið mikið í umræðunni en í viðtölum eftir leikinn sagði hann að hugur sinn væri skýr; hann vill gera nýjan samning við Real Madrid.
Framtíð Brassans hefur verið mikið í umræðunni en í viðtölum eftir leikinn sagði hann að hugur sinn væri skýr; hann vill gera nýjan samning við Real Madrid.
Miklar kröfur hjá stærsta félagi heims
Stuðningsmenn Real Madrid hafa baulað á Vinicius í undanförnum leikjum.
„Stuðningsmennirnir gera miklar kröfur á leikmenn og ég verð að vera upp á mitt besta í hverjum einasta leik. Ég hef ekki náð að spila eins og ég vil á þessu tímabili en það kemur alltaf nýr leikur til að sýna sig," sagði Vinicius eftir leikinn í gær.
„Auðvitað hefur það áhrif og gerir mig leiðan þegar það er baulað á mann á eigin heimavelli. Þegar maður spilar fyrir stærsta félag heims eru kröfurnar miklar. Stuðningsmennirnir borga fyrir miðana og eiga rétt á að láta í sér heyra. Ég mun halda áfram að berjast fyrir félagið sem hefur þegar gefið mér svo mikið."
Spænskir fjölmiðlar telja að Vinicius eigi stóran þátt í því að Xabi Alonso hafi verið rekinn. Nú þegar hann er horfinn á braut eru auknar líkur á því að Vinicius framlengi hjá spænska stórliðinu. Það eru átján mánuðir eftir af núgildandi samningi hans.
„Ég vil vera hjá félaginu lengi í viðbót. Það er mikið rætt um samningamál mín en við erum rólegir og yfirvegaðir. Ég treysti forseta félagsins (Florentino Perez) og hann treystir mér. Samband okkar er mjög gott. Við göngum frá málum á réttum tíma. Það liggur ekkert á," sagði Vinicius.
Vinicius er sagður vilja fá laun á pari við Kylian Mbappe og er umboðsmaður hans, Federico Pena, mættur í spænsku höfuðborgina til viðræðna. Pena var í stúkunni þegar Madrídingar slátruðu Mónakó í gær.
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 29 | 24 | 1 | 4 | 78 | 28 | +50 | 73 |
| 2 | Real Madrid | 29 | 22 | 3 | 4 | 63 | 26 | +37 | 69 |
| 3 | Villarreal | 29 | 18 | 4 | 7 | 54 | 34 | +20 | 58 |
| 4 | Atletico Madrid | 29 | 17 | 6 | 6 | 49 | 28 | +21 | 57 |
| 5 | Betis | 29 | 11 | 11 | 7 | 44 | 37 | +7 | 44 |
| 6 | Celta | 29 | 10 | 11 | 8 | 41 | 35 | +6 | 41 |
| 7 | Real Sociedad | 29 | 10 | 8 | 11 | 44 | 45 | -1 | 38 |
| 8 | Getafe | 29 | 11 | 5 | 13 | 25 | 31 | -6 | 38 |
| 9 | Athletic | 29 | 11 | 5 | 13 | 32 | 41 | -9 | 38 |
| 10 | Osasuna | 29 | 10 | 7 | 12 | 34 | 35 | -1 | 37 |
| 11 | Espanyol | 29 | 10 | 7 | 12 | 36 | 44 | -8 | 37 |
| 12 | Valencia | 29 | 9 | 8 | 12 | 32 | 42 | -10 | 35 |
| 13 | Girona | 29 | 8 | 10 | 11 | 31 | 44 | -13 | 34 |
| 14 | Vallecano | 30 | 7 | 12 | 11 | 28 | 35 | -7 | 33 |
| 15 | Alaves | 29 | 8 | 7 | 14 | 30 | 41 | -11 | 31 |
| 16 | Sevilla | 29 | 8 | 7 | 14 | 37 | 49 | -12 | 31 |
| 17 | Elche | 30 | 6 | 12 | 12 | 38 | 46 | -8 | 30 |
| 18 | Mallorca | 29 | 7 | 7 | 15 | 34 | 47 | -13 | 28 |
| 19 | Levante | 29 | 6 | 8 | 15 | 34 | 48 | -14 | 26 |
| 20 | Oviedo | 29 | 4 | 9 | 16 | 20 | 48 | -28 | 21 |
