Kári Kristjánsson, leikmaður Þróttar, mun í þessari viku æfa með danska liðinu Hobro. Hobro er í dönsku B-deildinni og hefur verið að kanna íslenska markaðinn. Félagið var fyrr í sumar orðað við Oliver Heiðarsson hjá ÍBV.
Kári, sem verður 21 árs í vikunni, er skapandi miðjumaður sem átti frábært tímabil í fyrra þegar hann skoraði ellefu mörk í 21 deildarleik. Á þessu ári hefur hann skorað fimm mörk í fjórtán leikjum í deild og bikar.
Kári, sem verður 21 árs í vikunni, er skapandi miðjumaður sem átti frábært tímabil í fyrra þegar hann skoraði ellefu mörk í 21 deildarleik. Á þessu ári hefur hann skorað fimm mörk í fjórtán leikjum í deild og bikar.
Hann missti af tveimur leikjum fyrr í sumar vegna veikinda, en er kominn aftur af stað.
Kári, sem er með danskan umboðsmann, mun æfa með Hobro í vikunni og ekki er útilokað að danska félagið reyni að kaupa Þróttarann. Þróttur á útileik gegn Grindavík í 14. umferð Lengjudeildarinnar á föstudag og samkvæmt upplýsingum Fótbolta.net er óvíst hvort Kári taki þátt í þeim leik.
ÍA og Valur sýndu Kára áhuga síðasta vetur og í sumar reyndi Östersund í Svíþjóð að kaupa hann en Þróttur hafnaði því tilboði.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
