Liverpool hefur tekið ákvörðun um að selja ítalska vængmanninn Federico Chiesa í sumar.
Chiesa, sem er 27 ára gamall, kom til Liverpool á tombóluverði frá Juventus síðasta sumar.
Hann hefur ekki fengið mörg tækifæri til að láta ljós sitt skína á leiktíðinni og aðeins spilað 25 mínútur í ensku úrvalsdeildinni og aðeins rúmar 300 mínútur í heildina í öllum keppnum.
Calciomercato fullyrðir að hann fari í sumar og er Ítalía lang líklegasti áfangastaður kappans.
Napoli ætlar að bæta við sig vængmanni í sumar eftir að hafa misst Khvicha Kvaratskhelia til Paris Saint-Germain í janúar og er Chiesa sagður efstur á blaði ásamt Alejandro Garnacho, leikmanni Manchester United.
Athugasemdir
