Jafnt í Hollywood-slagnum - Willum og Alfons ekki með

Það var toppslagur í ensku C-deildinni í kvöld þegar Wrexham fékk Birmingham í heimsókn. Hollywood leikararnir Ryan Reynolds og Rob McElhenny eru eigendur Wrexham og NFL-stjarnan fyrrverandi Tom Brady er hluthafi í Birmingham.

Willum Þór Willumsson og Alfons Sampsted voru ekki í leikmannahópi Birmingham í kvöld en Willum er að kljást við meiðsli.

Leiknum lauk með 1-1 jafntefli en bæði mörkin komu í fyrri hálfleik.

Birmingham er á toppnum með 57 stig eftir 25 umferðir en liðið á leik til góða á Wycombe sem er þremur stigum á eftir í 2. sæti. Wrexham er með 52 stig eftir 27 umferðir.