Ásgeir Orri, sem er tvítugur, átti frábært tímabil með Keflvíkingum í sumar.

Hann fékk aðeins á sig 24 mörk í Lengjudeildinni, fæst allra markvarða í deildinni ef miðað er við 22-leikja deild, og hjálpaði liðinu að komast alla leið í 8-liða úrslit Mjólkurbikarsins.

Keflavík hafnaði í öðru sæti deildarinnar og komst í umspil, en tapaði í úrslitum fyrir Aftureldingu.

Eftir tímabilið var hann valinn besti leikmaður Keflvíkinga á lokahófi félagsins.

Ásgeir hefur nú gert langtímasamning við Keflavík sem gildir til loka árs 2029.