Spánn: Varamaðurinn Modric með geggjað sigurmark

Leikurinn var merkilegur fyrir þær sakir að Sergio Ramos var að snúa aftur á Santiago Bernabeu í fyrsta sinn síðan hann yfirgaf félagið fyrir þremur árum.

Hann og liðsfélagar hans gerðu vel í að halda Madrídingum í skefjum, en þegar níu mínútur voru til leiksloka kom sigurmarkið og það frá reynslumesta leikmanni liðsins aðeins sex mínútum eftir að hann kom inn á.

Sevilla-menn hreinsuðu bolta Federico Valverde út fyrir teiginn og átti Modric þessa glæsilegu fyrstu snertingu áður en hann skrúfaði boltanum í stöng og inn.

Sjáðu markið hér

Modric verður samningslaus eftir tímabilið og ekki stendur til að framlengja þann samning eins og er. Það gætu mögulega verið mistök, enda er hann enn í háum gæðaflokki.

Real Madrid er nú með 65 stig á toppnum, átta meira en Barcelona sem er í öðru.

Tíu leikmenn Athletic Bilbao töpuðu fyrir Real Betis, 3-1, á meðan Cadiz gerði 2-2 jafntefli við Celta Vigo. Nýliðar Las Palmas gerðu þá 1-1 jafntefli við Osasuna.

Úrslit og markaskorarar:

Cadiz 2 - 2 Celta
0-1 Iago Aspas ('11 )
0-2 Williot Swedberg ('58 )
1-2 Juanmi ('66 )
2-2 Darwin Machis ('90 )

Real Madrid 1 - 0 Sevilla
1-0 Luka Modric ('81 )

Las Palmas 1 - 1 Osasuna
0-1 Unai Garcia ('49 )
1-1 Kirian Rodriguez ('52 )

Betis 3 - 1 Athletic
1-0 Ezequiel Avila ('13 )
1-1 Yuri Berchiche ('38 , sjálfsmark)
1-2 Gorka Guruzeta ('45 )
2-2 Johnny Cardoso ('67 )
Rautt spjald: Nico Williams, Athletic ('40)