Xavi Simons verður ekki meira með á þessu ári
Hollenski sóknartengiliðurinn Xavi Simons verður ekki meira með Tottenham á þessu ári eftir að hafa slitið krossband en þetta staðfestir hann með yfirlýsingu í dag.
Simons fór meiddur af velli hálftíma fyrir leikslok í 1-0 sigrinum á Wolves um helgina.
Hollendingurinn gekk í raðir Tottenham frá Leipzig á síðasta ári og komið að ellefu mörkum.
Hann var borinn af velli gegn Wolves sem veit aldrei á gott og hefur hann nú staðfest að hann hafi slitið krossband. Tímabilinu er lokið hjá Simons og mun hann einnig missa af HM með Hollendingum í sumar, en talið er að hann verði ekki klár fyrr en í byrjun 2027.
„Það er sagt að lífið geti verið ósanngjarnt og þannig líður mér á þessari stundu. Tímabilið hefur tekið skyndilegan endi og er ég bara að reyna að vinna úr þessu. Ég er niðurbrotinn og skil ekki neitt í neinu.“
„Eina sem ég vildi er að berjast fyrir liðið og nú hefur það verið rifið frá mér, ásamt HM. Möguleikinn á að spila fyrir þjóð mína er úti. Það mun taka tíma að jafna sig á þessu, en ég mun halda áfram að vera eins góður liðsfélagi og ég get. Ég er í engum vafa um að saman getum við unnið þessa baráttu.“
„Ég geng þennan veg áfram, leiddur af trú, styrk, seiglu og sannfæringu á meðan ég tel niður dagana um að komast aftur út á völl. Sýnið mér þolinmæði. COYS (Come on you Spurs),“ sagði Simons.
Tottenham er í harðri fallbaráttu og er þetta því þungt högg fyrir liðið. Það situr í 18. sæti, tveimur stigum frá öruggu sæti þegar fjórar umferðir eru eftir af deildinni.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 36 | 24 | 7 | 5 | 68 | 26 | +42 | 79 |
| 2 | Man City | 36 | 23 | 8 | 5 | 75 | 32 | +43 | 77 |
| 3 | Man Utd | 36 | 18 | 11 | 7 | 63 | 48 | +15 | 65 |
| 4 | Aston Villa | 37 | 18 | 8 | 11 | 54 | 48 | +6 | 62 |
| 5 | Liverpool | 37 | 17 | 8 | 12 | 62 | 52 | +10 | 59 |
| 6 | Bournemouth | 36 | 13 | 16 | 7 | 56 | 52 | +4 | 55 |
| 7 | Brighton | 36 | 14 | 11 | 11 | 52 | 42 | +10 | 53 |
| 8 | Brentford | 36 | 14 | 9 | 13 | 52 | 49 | +3 | 51 |
| 9 | Chelsea | 36 | 13 | 10 | 13 | 55 | 49 | +6 | 49 |
| 10 | Everton | 36 | 13 | 10 | 13 | 46 | 46 | 0 | 49 |
| 11 | Fulham | 36 | 14 | 6 | 16 | 44 | 50 | -6 | 48 |
| 12 | Sunderland | 36 | 12 | 12 | 12 | 37 | 46 | -9 | 48 |
| 13 | Newcastle | 36 | 13 | 7 | 16 | 50 | 52 | -2 | 46 |
| 14 | Leeds | 36 | 10 | 14 | 12 | 48 | 53 | -5 | 44 |
| 15 | Crystal Palace | 36 | 11 | 11 | 14 | 38 | 47 | -9 | 44 |
| 16 | Nott. Forest | 36 | 11 | 10 | 15 | 45 | 47 | -2 | 43 |
| 17 | Tottenham | 36 | 9 | 11 | 16 | 46 | 55 | -9 | 38 |
| 18 | West Ham | 36 | 9 | 9 | 18 | 42 | 62 | -20 | 36 |
| 19 | Burnley | 36 | 4 | 9 | 23 | 37 | 73 | -36 | 21 |
| 20 | Wolves | 36 | 3 | 9 | 24 | 25 | 66 | -41 | 18 |
