Sædís í fyrsta A-landsleiknum í kvöld.
„Það var sturlað að koma inn á og það var sturluð stemning á vellinum," sagði Sædís Rún Heiðarsdóttir sem spilaði í kvöld sinn fyrsta A-landsleik fyrir Íslands hönd. Líklega er þetta ekki síðasti leikurinn hjá þessum efnilega leikmanni.
„Ég er ótrúlega þakklát fyrir tækifærið. Þetta hefur verið draumur lengi en draumar eru til að láta þá rætast."
„Ég er ótrúlega þakklát fyrir tækifærið. Þetta hefur verið draumur lengi en draumar eru til að láta þá rætast."
Lestu um leikinn: Þýskaland 4 - 0 Ísland
Sædís kom inn á í seinni hálfleik gegn Þýskalandi í Þjóðadeildinni í kvöld en þetta var gríðarlega erfiður leikur fyrir íslenska liðið. Hann endaði með 4-0 sigri Þýskalands.
„Þetta var virkilega erfiður leikur en þær eru mjög góðar. Það er alltaf erfitt að spila gegn Þýskalandi. Þetta eru ekki úrslitin sem við ætluðum okkur en við látum þetta ekkert á okkur fá. Við höldum bara áfram."
„Það er alltaf erfitt að keppa á þessu stigi. Við bjuggumst við hörkuleik og vorum undirbúnar í það. Við höldum bara áfram. Það þýðir ekkert annað en að gefa bara í."
Hægt er að sjá allt viðtalið í spilaranum hér fyrir ofan.
Athugasemdir
