La Gazzetta dello Sport, hið heimsfræga ítalska blað sem er prentað á bleika pappírinn, segir að Atalanta vilji fá íslenska landsliðssóknarmanninn Orra Stein Óskarsson í sínar raðir.
í blaðinu má sjá samsetta mynd þar sem Gian Piero Gasperini, stjóri Atalanta, er að hugsa um Orra. Gasperini stýrði Atalanta til sigurs í Evrópudeildinni í síðustu viku þegar liðið lagði Bayer Leverkusen í úrslitaleik.
í blaðinu má sjá samsetta mynd þar sem Gian Piero Gasperini, stjóri Atalanta, er að hugsa um Orra. Gasperini stýrði Atalanta til sigurs í Evrópudeildinni í síðustu viku þegar liðið lagði Bayer Leverkusen í úrslitaleik.
Orri, sem er 19 ára, hefur verið frábær á lokakafla tímabilsins í Danmörku, skoraði sex mörk í níu leikjum fyrir FC Kaupmannahöfn og greip tækifærið með báðum höndum eftir að hafa mikið verið notaður sem varamaður fyrr á tímabilinu.
Gianlucca Scamacca er fyrsti kostur í fremstu víglínu hjá Atalanta en félagið er á leið í Meistaradeildina á næsta tímabili og vill auka breiddina sóknarlega.
Samningur Orra við FCK rennur út sumarið 2025 svo félagið gæti horft í að selja hann í þessum sumarglugga ef það er ekki framlenging í kortunum.
FCK hafnaði í þriðja sæti dönsku úrvalsdeildarinnar og er á leið í umspil við Randers um sæti í Sambandsdeild Evrópu á næsta tímabili. Eftir jafntefli gegn Nordsjælland um liðna helgi gaf Orri ungum stuðningsmanni treyju sína, eins og sjá má hér að neðan.
Tak Jeff????????
— F.C. København (@FCKobenhavn) May 27, 2024
Som prikken over i’et, og som tak for at sikre Parken var klar, fik Jeff i går Orris trøje efter kampen????????????#fcklive pic.twitter.com/POGuWY45as
Athugasemdir