Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Höskuldur skoraði tvö: Var með ágætis tilfinningu í nýjum skóm
Jón Þór: Þessi leikur á eftir að nýtast okkur helling
Dóri staðfestir viðræðuslitin: Var kannski ekki eins og menn höfðu séð fyrir sér
Gummi Tóta: Vonaðist til að hjálparvörnin kæmi
Andri Lucas: Vonandi komumst við á stórmót eins fljótt og hægt er
Daníel Leó: Menn eru ennþá í áfalli
Hákon Arnar: Ég vona það fyrir framtíðina
Stefnan er sett á HM - „Maður lærir mest þegar á móti blæs“
„Ekkert eðlilega svekkjandi, ömurlegt bara"
Jói Berg: Grátlegt að vera svona nálægt þessu og ná ekki á EM
Jón Dagur: Líður eins og tímabilið sé búið
Hareide lítur björtum augum á framtíðina - „Þurfum fleiri varnarmenn"
Furðar sig á ákvörðun Rebrov - „Held að Guðmundsson skori"
Beðið um mynd í miðju viðtali - „Ef þú syngur með okkur í 90 mínútur þá ertu í Tólfunni"
Joey Drummer: Besta stund sem ég hef upplifað
Siggi Bond með innherjaupplýsingar fyrir leikinn í kvöld
Sjáðu auglýsinguna fyrir Bestu deildina 2024 - Þekkt andlit í nýjum aðstæðum
27 þúsund miðar seldir á Úkraína - Ísland í Wroclaw skálinni
Víðir Sig: Væri gaman ef annar draumur myndi rætast í þessari borg
Jói bjartsýnn á að geta spilað - „Það róaði taugarnar ansi mikið"
   þri 28. júní 2022 18:51
Guðmundur Aðalsteinn Ásgeirsson
Poznan
Varð hrædd en allt fór á besta veg - „Finn ekki fyrir þessu lengur"
Icelandair
Guðný Árnadóttir.
Guðný Árnadóttir.
Mynd: Fótbolti.net - Hafliði Breiðfjörð
Hefur leyst stöðu hægri bakvarðar í síðustu landsleikjum.
Hefur leyst stöðu hægri bakvarðar í síðustu landsleikjum.
Mynd: Fótbolti.net - Hafliði Breiðfjörð
Guðný og Karólína Lea Vilhjálmsdóttir á æfingu.
Guðný og Karólína Lea Vilhjálmsdóttir á æfingu.
Mynd: Fótbolti.net - Hafliði Breiðfjörð
Varnarjaxlinn Guðný Árnadóttir er klár í slaginn fyrir Evrópumótið. Hún var tæp þegar hún var valin í hópinn en er núna búinn að ná sér af meiðslunum sem eru mikil gleðitíðindi fyrir liðið.

„Við erum svolítið þreyttar eftir ferðalagið en annars góðar. Við tókum góða æfingu í dag og það er góð stemning í hópnum,” sagði Guðný við Fótbolta.net í kvöld.

Hún segir stöðuna á sér góða. „Ég er öll að koma til og er byrjuð að æfa á fullu núna. Þetta lítur vel út. Þetta leit ekki vel út þegar þetta gerðist fyrst en þetta er allt á réttri leið og ég finn ekki fyrir þessu lengur.”

Hvað var það sem gerðist nákvæmlega? „Þetta var smá ‘contact’ í leik - við spörkuðum í boltann á sama tíma og hnéð beygist einhvern veginn inn á við. Ég tognaði á liðbandi í hnénu en það var ekkert rosalega alvarlegt.”

„Þetta gerðist í lokin á tímabilinu og ég varð smá hrædd, en það kom það besta út úr myndatökunni. Þetta var frekar ‘scary’ - líka því ég hef aldrei meiðst á hné áður og ég vissi ekki hvað þetta var. Ég hafði ekki fulla stjórn og var skíthrædd, en þau voru mjög bjartsýn á að þetta yrði allt í lagi þarna úti og pössuðu upp á mig.”

„Ég hef verið á fullu að vinna í þessu frá því þetta gerðist og er núna orðin 100 prósent myndi ég segja; ég verð bara að venjast á æfingum og komast inn í þetta.”

Hún getur jafnvel spilað í vináttulandsleiknum gegn Póllandi á morgun. „Það væri kannski full fljótt, en ég myndi ekki neita því að fá að spila nokkrar mínútur. Það verður að koma í ljós.”

Er hjá einu stærsta félagi Ítalíu
Guðný hefur undanfarin ár leikið með AC Milan, sem er eitt stærsta félag Ítalíu. Hún verður þar áfram á næstu leiktíð, eða gerir allavega ráð fyrir því.

„Mér líður vel þarna og hef komist ágætlega inn í þetta. Ég hef spilað meirihlutann af leikjunum en vil samt fá stærra hlutverk. Þetta er risa félag og það er gaman að vera þarna. Ég er búin að læra fullt.”

Hlutverk hennar er svolítið öðruvísi hjá AC Milan þar sem hún hefur mest verið að leika sem hægri hafsent í þriggja manna vörn. Í íslenska landsliðinu hefur hún verið að leysa stöðu hægri bakvarðar.

„Ég fékk líka að spila smá sem vængbakvörður þarna úti og það var geggjað. Þegar ég spila hægra megin í þriggja manna vörn þá er það meira líkt því að vera bakvörður en að spila í tveggja hafsenta kerfi. Það er bara fínt sko. Ég hef spilað meira sem miðvörður og mér finnst ég kunna það aðeins betur, en hitt er skemmtilegt líka. Mér finnst gaman að fá að taka þátt í sóknarleiknum.”

„Mér langar að fá stærra hlutverk og gera betur. Ég er með samning áfram og verð áfram,” segir Guðný í viðtalinu sem má sjá hér að fyrir ofan.

Leikir Íslands á EM:
10. júlí gegn Belgíu (Academy Stadium, Manchester)
14. júlí gegn Ítalíu (Academy Stadium, Manchester)
18. júlí gegn Frakklandi (New York Stadium, Rotherham)
Athugasemdir
banner
banner