Byrjunarlið Man Utd vakti athygli. Það voru gerðar nokkrar breytingar frá leiknum gegn Villarreal þar sem liðið fór með sigur af hólmi. Stærst var það að Cristiano Ronaldo var settur á bekkinn.

Rangnick er að taka við liðinu. Enn er ekki búið að staðfesta ráðningu hans þar sem hann er að bíða eftir atvinnuleyfi á Englandi. Neville taldi samt að hann hafi valið liðið.

„Það er mikið af fólki að gagnrýna Carrick fyrir að velja ekki Ronaldo og setja saman þessa miðju. Ég hef á tilfinningunni að stjórinn sem er að koma inn hafi valið þetta lið. Þetta er mikil breyting frá leiknum í miðri viku og því sem þeir hafa verið að gera," sagði Neville.

Michael Carrick var spurður út í þetta í viðtali eftir leik, hvort þetta passaði.

„Það er ekki málið, nei," sagði Carrick og þvertók fyrir pælingar Neville.

Búist er við því að ráðningin á Rangnick verði staðfest í vikunni.