Hinn 17 ára gamli Birkir Hrafn Samúelsson hefur framlengt samning sinn við ÍA um þrjú ár eða út 2028. Þetta kemur fram í tilkynningu Skagamanna á Facebook.
Birkir Hrafn er efnilegur vinstri bakvörður sem lék sína fyrstu meistaraflokksleiki með Kára, venslafélagi ÍA, síðasta sumar.
Hann hefur verið lykilmaður í 2. flokki félagsins síðustu ár og á þá níu landsleiki að baki með yngri landsliðum Íslands.
Það er því mikið fagnaðarefni fyrir Skagamenn að hann skuli framlengja samning sinn við félagið en nýr samningur hans gildir út 2028.
