„Mér líður ótrúlega vel. Frábær leikur að okkar hálfu í dag og geggjuð liðsframmistaða og þetta var bara akkúrat það sem við þurftum á þessum tímapunkti" sagði Viktor Jónsson leikmaður ÍA eftir 4-1 sigurinn á Breiðablik á Kópavogsvelli í dag.
Lestu um leikinn: Breiðablik 1 - 4 ÍA
„Loksins fylgdu mörkin með og við náðum að loka fyrir hjá okkur og sýndum góða frammistöðu á löngum kafla gegn Víking en fengum ekkert fyrir það. Við höfum átt ágætis spilakafla í sumar en þetta frá fyrstu mínútu og til þeirra nítugustu þá vera þetta geggjuð frammistaða í dag."
„Við gengum á lagið, við ætluðum að breika á þá og það var það sem við lögðum upp með og það var æðislegt að upplifa þetta og finna þetta aftur."
Viktor Jónsson skoraði eitt í dag en hefði átt að skora svona 5 ef hann hefði nýtt öll tækifærin sem hann fékk í leiknum í dag. Hann er þakklátur að þetta hefði komið í dag frekar en einhverjum öðrum leik.
„Bara VÁ. Ég veit það ekki sko, blanda af þreytu og bara hausinn sko. Klikkaði á fyrsta svo kom næsta snögglega á eftir og klikkaði á því og ég held bara að einbeitingin hafi ekki verið nægilega mikil og það er langt síðan ég hef klikkað á svona mörgum í röð en það er ágætt að gera það í svona leik frekar en einhverjum öðrum."
Viðtalið við Viktor Jónsson má sjá í sjónvarpinu hér að ofan.
