Aron Jóhannsson var í liði umferðarinnar.
Aron Jóhannsson var maður leiksins og skoraði í 2-0 útisigri Vals gegn Aftureldingu í Bestu deildinni í gær. Þetta var langþráð mark hjá Aroni sem hafði ekki skorað í deildinni síðan 3. september 2023.
Það var því tæplega 20 mánaða bið sem lauk í gær en Aron var valinn í lið umferðarinnar.
Það var því tæplega 20 mánaða bið sem lauk í gær en Aron var valinn í lið umferðarinnar.
Lestu um leikinn: Afturelding 0 - 2 Valur
„Flottur í að stjórna liðinu og skorar sitt fyrsta mark í ár. Þetta vonandi gefur honum mikið," skrifaði Brynjar Óli Ágústsson, fréttamaður Fótbolta.net, í skýrslu sinni um leikinn.
„Hann þarf að fara að koma með meira að borðinu, maður með þennan prófíl þarf að gera það," segir Elvar Geir í Innkastinu.
„Vonandi núna er komið blóð í vatnið hjá Völsurum og hákarlinn er kannski að vakna. Tilfinningin undanfarin ár er að ef þeir hafa ekki að neinu að keppa þá er þeim drullusama. Ég er að vona að Aron og þessir gæjar stígi upp núna," segir Valur Gunnarsson í þættinum.
Aron, sem er 34 ára, er á sínu fjórða tímabili með Val en hann átti farsælan atvinnumannaferil þar sem hann lék í þýsku Bundesligunni og fyrir bandaríska landsliðið. Aron var framherji stærstan hluta ferilsins en er í dag miðjumaður.
„Menn sem þykjast vera sérfræðingar í stúkunni horfa kannski ekki á leikina. Ég er orðinn djúpur miðjumaður og veit ekki til þess að þeir eigi að skora mörkin. Við erum með góða menn fram á við sem skora helling af þeim," sagði Aron við mbl.is eftir leikinn í gær.
Hér að neðan má sjá svipmyndir úr leiknum í gær.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 9 | 6 | 2 | 1 | 18 - 8 | +10 | 20 |
| 2. Vestri | 9 | 5 | 1 | 3 | 11 - 5 | +6 | 16 |
| 3. Breiðablik | 9 | 5 | 1 | 3 | 14 - 15 | -1 | 16 |
| 4. Valur | 9 | 4 | 3 | 2 | 20 - 12 | +8 | 15 |
| 5. Stjarnan | 9 | 4 | 1 | 4 | 16 - 17 | -1 | 13 |
| 6. Fram | 9 | 4 | 0 | 5 | 15 - 15 | 0 | 12 |
| 7. ÍBV | 9 | 3 | 2 | 4 | 9 - 15 | -6 | 11 |
| 8. KA | 9 | 3 | 2 | 4 | 9 - 16 | -7 | 11 |
| 9. KR | 9 | 2 | 4 | 3 | 26 - 22 | +4 | 10 |
| 10. FH | 9 | 3 | 1 | 5 | 15 - 14 | +1 | 10 |
| 11. Afturelding | 9 | 3 | 1 | 5 | 8 - 13 | -5 | 10 |
| 12. ÍA | 9 | 3 | 0 | 6 | 12 - 21 | -9 | 9 |
Athugasemdir
