Alex Þór var frábær í kvöld
Stjarnan vann KR 4-2 fyrr í kvöld í áhugaverðri viðureign. Stjarnan komst í 3-0 stöðu eftir aðeins ellefu mínútna leik, þar sem Alex Þór Hauksson allt í öllu, hann skoraði eitt mark og lagði upp hin tvö. Alex mætti í viðtal eftir leik.
Lestu um leikinn: Stjarnan 4 - 2 KR
„Við vorum staðráðnir í að gera vel, við vorum tilbúnir. Þó svo að ég hafi skorað eitt mark og lagt upp tvö þá var hlaupið hjá Benó á fjær frábært og Emil hrikalega klókur í sínu marki."
„Við ætluðum að gera betur eftir þennan Vestra leik. Okkur fannst við eiga fullt inni og við erum hrikalega ánægðir að hafa gert það í dag."
Steven Caulker fyrrum leikmaður Tottenham er í viðræðum við Stjörnuna.
„Steven Caulker? Ég hef ekki alveg fylgst með umræðunni, þannig ég veit ekki hvernig ég á að tjá mig um þetta," segir Alex og hlær.
„Við vorum í fullum fókus á leikinn, þetta hefur skautað framhjá manni."
„Hann fékk allaveganna skemmtilegan leik. Ef það er eitthvað til í þessu hjá þér þá bíð ég spenntur."
