„Tilfinningin er mjög góð. Að koma hérna á einn erfiðasta útivöll í sumar og vinna þrjú stig, halda hreinu. Ég get ekki beiðið um meira.'' Srdjan Tufegdzic, þjálfari Val, eftir 0-2 sigur gegn Afturelding í 9. umferð Bestu deildarinnar.
Lestu um leikinn: Afturelding 0 - 2 Valur
Frederick Schram er kominn í byrjunarlið Valsara og er búinn að halda hreinu núna í tvem leikjum í röð.
„Ég ætla ekki að fagna þessu of mikið, við þurfum fleiri. Eins og ég kom fram í viðtali í gær þá er þetta búið að sitja í mér vegna þess að við erum búin að leggja mikla vinnu til að laga þennan hluta af okkar leik. Það var svekkjandi að varnarleikurinn var heilt yfir ekki slakur, en við eigum slæma kafla þar sem við höldum ekki hreinu,''
„Það er mikil stemning hérna í Mosfellsbæ, gaman að sjá Aftureldingu og stuðningsmenn og allt sem fylgir þeim. Að koma hérna og vinna með tvem mörkum er bara mjög sterkt.''
Patrick Pedersen, eins og vanalega, skoraði mark í dag. Er þetta besti leikmaður sem þú hefur þjálfað?
„Patrick er að mínu mati besti leikmaður deildarinnar. Ekki bara besti leikmaðurinn, það vita allir hversu góður hann er í fótbolta, þetta er bara geggjaður karakter. Hann er búinn að leggja þvílíkt á sig í vetur miða við hans aldur og hann er hungraður sem ég fýla mikið,''
Birkir Heimisson skoraði mark gegn ÍBV í seinustu umferð en var utan hóps í dag.
„Birkir meiddist á æfingu í gær, pínu óheppilegt. Létt æfing daginn fyrir leik og það smá högg fyrir okkur að missa hann. Birkir er búinn að vera mjög flottur í sumar. Við erum aftur á móti með stóran hóp og við náum að leysa þetta. Ég vona að þetta er ekki mikið en það kemur meira í ljós á næstu dögum,''
Það var áhugavert að sjá að allir leikirnir í Bestu deild karla fóru fram á sama degi í dag. Túfa hefur mjög gaman af því.
„Ég held að allir fótboltamenn og við sem erum í þessum bransa elskum að spila leiki. Stutt á milli leikja, í dag var þetta eins og það er kallað 'Boxing Day'. Mér finnst mjög gaman að hafa alla leiki á sama dag og ég held að þetta er eitthvað sem KSÍ þarf að gera meira af,''
Hægt er að horfa á viðtalið í heild sinni hér fyrir ofan.
