Tryggvi og Auðun Helgason með Íslandsmeistarabikarinn 2005.
Magnaður leikmaður.
Tryggvi Guðmundsson var í gær valinn besti leikmaður í sögu efstu deildar í skemmtilegri samantekt á Vísi. Tryggvi er markahæsti leikmaður í sögu deildarinnar og margfaldur Íslandsmeistari.
Hann er fréttamaður Fótbolta.net í Vestmannaeyjum og eftir að hafa textalýst leik ÍBV og FH í gær tók hann sinn gamla liðsfélaga og þjálfara, Heimi Guðjónsson, í viðtal. Tryggvi lék með Heimi tímabilið 2005, Heimir var aðstoðarþjálfari FH 2006 og tímabilin 2007-2009 var Heimir aðalþjálfari og Tryggvi í liðinu.
Á þessum árum varð FH fjórum sinnum Íslandsmeistari og einu sinni bikarmeistari.
Hann er fréttamaður Fótbolta.net í Vestmannaeyjum og eftir að hafa textalýst leik ÍBV og FH í gær tók hann sinn gamla liðsfélaga og þjálfara, Heimi Guðjónsson, í viðtal. Tryggvi lék með Heimi tímabilið 2005, Heimir var aðstoðarþjálfari FH 2006 og tímabilin 2007-2009 var Heimir aðalþjálfari og Tryggvi í liðinu.
Á þessum árum varð FH fjórum sinnum Íslandsmeistari og einu sinni bikarmeistari.
Lestu um leikinn: ÍBV 2 - 1 FH
Í viðtalinu óskaði Heimir Tryggva til hamingju með viðurkenninguna. Það gerði hann eftir að Tryggvi spurði hann út í dauðafærið sem Björn Daníel Sverrisson, leikmaður FH, hafði fengið í seinni hálfleik.
„Þetta snýst líka um að klára færin, en það er nú líka þannig í fótbolta Tryggvi.. ég ætla nú að óska þér til hamingju með að hafa verið valinn besti leikmaður efstu deildar á Vísi - þú ert vel af því kominn - af því ég bæði þjálfaði og spilaði með þér...," sagði Heimir sem klappaði Tryggva á öxlina og hélt svo áfram:
„Við spiluðum á sunnudaginn, erum að spila í dag í Eyjum og eigum svo Aftureldingu strax næsta sunnudag. Í seinni hálfleiknum í dag voru menn farnir að hugsa um leikinn gegn Aftureldingu. Þeir hugsuðu að þeir gætu sloppið með 70% vinnuframlag í seinni hálfleiknum í dag en þannig virkar ekki fótbolti og okkur var refsað að vera ekki klárir í seinni hálfleikinn," sagði Heimir.
Hamingujóskina má sjá í spilaranum hér að neðan, eftir rúma mínútu af viðtalinu.
Athugasemdir
