Afturelding tóku á móti Njarðvíkingum í kvöld þegar 20.umferð Lengjudeildarinnar hélt áfram göngu sinni.
Afturelding hafa verið eitt heitasta lið deildarinnar um síðustu mundir og gátu með sigri í dag lyft sér upp í umspilssæti.
Lestu um leikinn: Afturelding 4 - 1 Njarðvík
„Hrikalega stoltur af strákunum. Mér fannst við verðskulda, við byrjum leikinn af rosalegum krafti og fyrri hálfleikurinn líklega sá besti sem við höfum spilað í sumar. Stöðvum allar þeirra sóknir í fæðingu og hefðum meir að segja getað skorað fleiri mörk þó ég sé alls ekki að kvarta yfir að við skorum fjögur." Sagði Magnús Már Einarsson þjálfari Aftureldingar eftir sigurinn í kvöld.
„Við vorum búnir að skoða þá vel og lokuðum á þeirra hættulegustu menn og þeirra aðgerðir og gerðum það vel. Við vorum svo bara grimmari en þeir. Mér fannst við sýna það, við vorum grimmari í öllum aðgerðum og svo spiluðum við frábærlega. Við erum nátturlega með að mínu mati mjög gott fótboltalið og þegar við erum á deginum eins og í dag þá er erfitt að eiga við okkur og mér fannst við hitta á mörg góðan dag í dag."
Afturelding hafa verið á eldi í deildinni en frá því þeir töpuðu gegn Keflavík hefur verið allt annað að sjá til þeirra í deildinni.
„Ég held bara að menn kannski öðlist meiri sjálfstraust með hverjum sigri núna og svo bara sleppt aðeins og slakað á í öxlunum og sleppt fram af sér beislinu. Við vorum búnir að tapa mörgum leikjum fram að því og ekki spilað eins vel og við getum. Ég held að menn hafi bara aðeins slakað á og séð að það kemur alltaf nýr dagur þó að fótboltaleikir tapast og það þarf bara að halda áfram og gera réttu hlutina og það er það sem við höfum gert."
Nánar er rætt við Magnús Már Einarsson þjálfara Aftureldingar í spilaranum hér fyrir ofan.
Lið | L | U | J | T | Mörk | mun | Stig |
---|---|---|---|---|---|---|---|
1. ÍBV | 22 | 11 | 6 | 5 | 50 - 27 | +23 | 39 |
2. Keflavík | 22 | 10 | 8 | 4 | 37 - 24 | +13 | 38 |
3. Fjölnir | 22 | 10 | 7 | 5 | 34 - 28 | +6 | 37 |
4. Afturelding | 22 | 11 | 3 | 8 | 39 - 36 | +3 | 36 |
5. ÍR | 22 | 9 | 8 | 5 | 30 - 28 | +2 | 35 |
6. Njarðvík | 22 | 8 | 9 | 5 | 34 - 29 | +5 | 33 |
7. Þróttur R. | 22 | 8 | 6 | 8 | 37 - 31 | +6 | 30 |
8. Leiknir R. | 22 | 8 | 4 | 10 | 33 - 34 | -1 | 28 |
9. Grindavík | 22 | 6 | 8 | 8 | 40 - 46 | -6 | 26 |
10. Þór | 22 | 6 | 8 | 8 | 32 - 38 | -6 | 26 |
11. Grótta | 22 | 4 | 4 | 14 | 31 - 50 | -19 | 16 |
12. Dalvík/Reynir | 22 | 2 | 7 | 13 | 23 - 49 | -26 | 13 |