Það fóru fimm leikir fram í 2. deild karla í dag þar sem hart er barist í síðustu leikjum deildartímabilsins.
Þróttur Vogum, Ægir og Grótta eru að berjast um sæti í Lengjudeildinni. Aðeins eitt stig skilur liðin að í toppbaráttunni þegar tvær umferðir eru eftir af tímabilinu.
Toppliðin þrjú sigruðu öll andstæðinga sína í dag. Ægir rúllaði yfir fallbaráttulið Kára er liðin mættust á Akranesi. Lokatölur 0-4 og ljóst að Kári þarf að gera mun betur til að forðast fall niður um deild. Atli Rafn Guðbjartsson var atkvæðamestur í liði gestanna frá Þorlákshöfn með tvennu.
Grótta lenti í vandræðum á heimavelli gegn Víkingi Ólafsvík. Staðan var 2-2 eftir skemmtilegan fyrri hálfleik og gerði Kristófer Dan Þórðarson sigurmarkið í seinni hálfleiknum.
Rúnar Ingi Eysteinsson og Eyþór Orri Ómarsson gerðu þá mörkin þegar Vogamenn sigruðu á útivelli gegn Kormáki/Hvöt til að halda toppsætinu.
Víðir Garði hefur verið að gera frábæra hluti upp á síðkastið eftir hörmulegan fyrri hluta tímabils og náði jafntefli við KFG í dag, eftir að hafa lent tveimur mörkum undir í Garði. Víðismenn eru tveimur stigum frá fallsvæðinu þegar tvær umferðir eru eftir.
Að lokum skildu Dalvík/Reynir og KFA jöfn, 1-1.
Kári 0 - 4 Ægir
0-1 Atli Rafn Guðbjartsson ('7 )
0-2 Jordan Adeyemo ('43 )
0-3 Bjarki Rúnar Jónínuson ('62 )
0-4 Atli Rafn Guðbjartsson ('90 , Mark úr víti)
Grótta 3 - 2 Víkingur Ó.
1-0 Björgvin Brimi Andrésson ('18 )
1-1 Ivan Lopez Cristobal ('35 )
1-2 Hektor Bergmann Garðarsson ('38 )
2-2 Grímur Ingi Jakobsson ('45 )
3-2 Kristófer Dan Þórðarson ('64 )
Kormákur/Hvöt 0 - 2 Þróttur V.
0-1 Rúnar Ingi Eysteinsson ('11 )
0-2 Eyþór Orri Ómarsson ('90 )
Víðir 2 - 2 KFG
0-1 Elvar Máni Guðmundsson ('6 )
0-2 Djordje Biberdzic ('9 )
1-2 Dominic Lee Briggs ('49 )
2-2 Valur Þór Hákonarson ('82 )
Dalvík/Reynir 1 - 1 KFA
1-0 Tómas Þórðarson ('45 )
1-1 Geir Sigurbjörn Ómarsson ('90 )
2. deild karla
Lið | L | U | J | T | Mörk | mun | Stig |
---|---|---|---|---|---|---|---|
1. Þróttur V. | 20 | 12 | 3 | 5 | 30 - 21 | +9 | 39 |
2. Ægir | 20 | 12 | 2 | 6 | 55 - 32 | +23 | 38 |
3. Grótta | 20 | 11 | 5 | 4 | 39 - 25 | +14 | 38 |
4. Dalvík/Reynir | 20 | 9 | 4 | 7 | 34 - 23 | +11 | 31 |
5. Kormákur/Hvöt | 20 | 9 | 2 | 9 | 28 - 34 | -6 | 29 |
6. KFA | 20 | 8 | 4 | 8 | 49 - 43 | +6 | 28 |
7. Víkingur Ó. | 20 | 8 | 4 | 8 | 39 - 33 | +6 | 28 |
8. Haukar | 19 | 8 | 4 | 7 | 33 - 32 | +1 | 28 |
9. KFG | 20 | 6 | 4 | 10 | 35 - 47 | -12 | 22 |
10. Víðir | 20 | 5 | 5 | 10 | 31 - 36 | -5 | 20 |
11. Kári | 20 | 6 | 0 | 14 | 26 - 52 | -26 | 18 |
12. Höttur/Huginn | 19 | 4 | 5 | 10 | 24 - 45 | -21 | 17 |
Athugasemdir