Andri Lucas Guðjohnsen er samkvæmt heimildum Fótbolta.net búinn að standast læknisskoðun hjá enska félaginu Blackburn.
Hann er að ganga í raðir Blackburn, kemur frá belgíska félaginu Gent sem keypti hann frá Lyngby sumarið 2024. Kaupverðið er talið vera um 2 milljónir evra.
Andri var fyrr í sumar orðaður við Lech Poznan í Póllandi, Utrecht í Hollandi og Preston á Englandi.
Hann er að ganga í raðir Blackburn, kemur frá belgíska félaginu Gent sem keypti hann frá Lyngby sumarið 2024. Kaupverðið er talið vera um 2 milljónir evra.
Andri var fyrr í sumar orðaður við Lech Poznan í Póllandi, Utrecht í Hollandi og Preston á Englandi.
Andri er 23 ára framherji sem verður með landsliðinu í komandi leikjum gegn Aserbaídsjan og Frakklandi í undankeppni HM. Þar verður einnig yngri bróðir hans, Daníel Tristan.
Hann verður annar Íslendingurinn til að spila fyrir Blackburn. Arnór Sigurðsson var leikmaður Blackburn í eitt og hálft tímabil áður en hann fór til Malmö fyrr á þessu ári.
Blackburn er með þrjú stig eftir fjórar umferðir í Championship deildinni.
Athugasemdir
