Það var gríðarleg gleði í Melbourne í Ástralíu með magnaðan sigur þeirra manna gegn Danmörku á HM í Katar í dag.
Matthew Leckie skoraði eina mark leiksins. Ástralía fer áfram í 16-liða úrslit í annað sinn í sögunni.
Enn og aftur vantaði taktinn í sóknarleik danska liðsins sem fann engar glufur á vörn Ástralíu sem var með hinn hávaxna Harry Souttar sem kóng í hjarta varnarinnar. Martin Braithwaite byrjaði sem fremsti maður hjá Danmörku en var mjög slakur og tekinn af velli á 59. mínútur.
Klukkan var 03:30 að nóttu til í Ástralíu þegar Leckie skoraði en það voru samt sem áður mikil fagnaðarlæti á torgi í Melbourne þegar markið kom.
Fólk var mætt út á torg um miðja nótt til að Ástralíu komast óvænt áfram. Þvílík úrslit en hér fyrir neðan má sjá myndband af fagnaðarlátunum.
Australian limbs at 3:30am… pic.twitter.com/APh9lrInih
— george (@StokeyyG2) November 30, 2022
Athugasemdir
