Fullt nafn: Guðmundur Baldvin Nökkvason.

Gælunafn: Er oftast kallaður Gummi en er kallaður GBN á æfingum.

Aldur: 20 ára.

Hjúskaparstaða: Lausu.

Hvenær lékstu þinn fyrsta leik með meistaraflokki og er eitthvað minnisstætt úr leiknum: Hann kom í janúar 2021 á móti Vestra veit að við unnum en man ekkert meira en það.

Uppáhalds drykkur: Ribena klikkar ekki.

Uppáhalds matsölustaður: Saffran.

Áttu hlutabréf eða rafmynt: Já.

Uppáhalds sjónvarpsþáttur: Prison break.

Uppáhalds tónlistarmaður: Aron Can.

Uppáhalds hlaðvarp: Hlusta ekki mikið á hlaðvörp en hef gaman að hlusta á Mána Péturs fara yfir stóru málin.

Uppáhalds samfélagsmiðill: Instagram.

Uppáhalds tölvuleikur: Fortnite.

Fyrsta síðan sem þú ferð á þegar þú opnar netið: Tékka á Lummunni.

Fyndnasti Íslendingurinn: Pétur Jóhann.

Hvernig hljómar síðasta sms sem þú fékkst: Grindavik is a volcanic area! Increased activity is observed, eruption may be possible. Stay alerted and prepared for evacuation. Info at www.safetravel.is

Hvaða liði myndir þú aldrei spila með: Haukum.

Besti leikmaður sem þú hefur mætt: Ilias Akhomach var þvælu góður.

Besti þjálfarinn sem hefur þjálfað þig: Hef verið með nokkra góða eins og Ejub, Rúnar Pál og Jölla.

Mest óþolandi leikmaður sem þú hefur mætt: Pablo Punyed.

Hver var fyrirmyndin þín í­ æsku: Nökkvi Már stóri bró.

Sætasti sigurinn: Það var ljúft að vinna Shellmótið.

Mestu vonbrigðin: Soldið súrt í dag að hafa ekki náð Evrópu í fyrra.

Uppáhalds lið í enska: Arsenal.

Ef þú fengir að velja einn leikmann úr öðru íslensku liði í þitt lið: Myndi taka Óla Val heim (snake emoji).

Efnilegasti knattspyrnumaður/kona landsins: Alexander Máni er hörku player.

Fallegasti knattspyrnumaðurinn á Íslandi: Snædís María Jörundsdóttir!

Fallegasta knattspyrnukonan á Íslandi: Sigurbergur Áki Jörundsson!

Besti knattspyrnumaðurinn frá upphafi: Lionel Messi.

Ein regla í fótbolta sem þú myndir breyta: Hætta með VAR.

Uppáhalds staður á Íslandi: Vestmannaeyjar að sumri til.

Segðu okkur frá skemmtilegu atviki sem gerst hefur í leik: Það var gaman að vinna stóra brósa 4-0 2023.

Ertu með einhverja hjátrú tengda fótbolta: Borða alltaf ristað brauð með marmelaði frá ömmu á gameday.

Fyrir utan knattspyrnu, fylgist þú með öðrum íþróttum: Já ég horfi á píluna um jólin og landsliðið í handbolta á stórmótum.

Í hvernig fótboltaskóm spilar þú: Spila í Nike Phantom.

Í hverju varstu/ertu lélegastur í­ skóla: Náttúrufræðin var stundum erfið.

Vandræðalegasta augnablik: Vel þreytt að hafa klúðra vítinu á móti HK 2023 fyrir þrennunni, fæ ennþá skít fyrir það í dag.

Hvaða þremur leikmönnum byðir þú í mat og af hverju: Myndi bjóða Sigurbergi Áka, Henrik Mána og Jóni Hrafni þá værið tekið stöðutékk og farið yfir málin

Bestur/best í klefanum og af hverju: Það fer mikið fyrir Adolf Daða í Stjörnuklefanum sá getur hent mönnum undir sæng.

Hvern í liðinu þínu myndirðu velja til að taka þátt í sjónvarpsþáttaröð: Myndi elska að sjá Adolf Daða og Henrik Mána láta ljós sitt skína í Love Island. Þeir myndu gera allt vitlaust í villunni og búa til alvöru drama.

Sturluð staðreynd um sjálfan þig: Talaði bæði þýsku og lúxemborgsku í æsku.

Hvaða samherji hefur komið þér mest á óvart eftir að þú kynntist honum og af hverju: Það kom mér að óvart hvað Árni Snær Ólafsson er góður í búrinu og ofan á það er hann ekkert eðlilega fyndinn.

Hverju laugstu síðast: Lýg ekki.

Hvað er leiðinlegast að gera á æfingum: Að hita upp.

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Myndi spurja Arteta af hverju við keyptum ekki einn leikmann í janúar.

Einhver skilaboð til stuðningsmanna fyrir sumarið: Hlakka til að sjá sem flesta á vellinum í sumar, áfram Stjarnan!