Spá Fótbolta.net fyrir Bestu deildina: 5. sæti

Spáin:
1. ?
2. ?
3. ?
4. ?
5. Stjarnan, 102 stig
6. ÍA, 84 stig
7. FH, 62 stig
8. KA, 60 stig
9. Fram, 58 stig
10. Afturelding, 37 stig
11. Vestri, 27 stig
12. ÍBV, 14 stig

Um liðið: Sumarið í fyrra var rosa mikið 'næstum því' fyrir Stjörnuna. Liðið endaði í fjórða sæti Bestu deildarinnar en komst ekki í Evrópukeppni þar sem KA vann bikarinn og svo komst liðið í undanúrslitin í Mjólkurbikarnum en tapaði þar gegn Víkingum. Þeir byrjuðu illa en fundu ágætis takt þegar leið á sumarið og þetta var næstum því mjög gott sumar. En það endaði bara á því að vera frekar miðlungs. Stjörnumenn vonast til þess að liðið geti tekið næstu skref í sumar og barist um titla.

Þjálfarinn: Jökull Elísabetarson er að fara inn í sitt heila tímabil sem þjálfari Stjörnunnar eftir að hafa verið aðstoðarþjálfari Ágústar Gylfasonar þar áður. Jökull er af nýja skólanum en hann þjálfaði áður Augnablik, venslafélag Breiðabliks, við góðan orðstír. Hann er afar efnilegur og spennandi þjálfari sem verður áhugavert að fylgjast með í framtíðinni, en hann er svolítið óútreiknanlegur og með áhugaverðar hugmyndir um fótbolta.

Styrkleikar: Þjálfari Stjörnunnar er með skemmtilegar pælingar um fótbolta og leikmenn virðast hafa mjög gaman að því að spila undir hans stjórn. Þeir treysta á sjálfa sig og á kerfið. Það getur hjálpað þeim hversu óútreiknanlegir þeir eru og það er erfitt að skipuleggja sig fyrir leik gegn Stjörnunni. Þeir eru búnir að bæta öflugum sóknarvopnum við leik sinn og verður sérstaklega áhugavert að fylgjast með því ef Andri Rúnar Bjarnason og Emil Atlason leika saman frammi. Þeir ættu líka að vera sterkir inn á miðjunni og með kraft út á köntunum. Í hópnum er góð blanda af yngri og reynslumeiri leikmönnum og það er kraftur á pöllunum líka þar sem Silfurskeiðin lætur vel í sér heyra.

Veikleikar: Það vantar meira púður í vörnina og það gæti svo sannarlega verið meiri breidd þar og meiri styrkur. Það fór mikil reynsla úr liðinu eftir síðasta tímabili og mikil leiðtogahæfni sem er högg. Það fór líka mikill hraði úr liðinu með Óla Vali Ómarssyni sem fór í Breiðabliki. Stundum geta þeir farið fram úr sér í tilraunamennsku og þó það sé ákveðinn styrkleiki að vera óútreiknanlegir, þá er það líka veikleiki. Það er erfitt að ráða í Stjörnuna og of mikill hræringur gæti farið illa í hausinn á ungum mönnum. Þú þarft stöðugleika til að vinna titla og það er spurning hvort Stjörnumenn séu komnir á þann stað.

Lykilmenn: Samúel Kári Friðjónsson og Emil Atlason
Samúel Kári er með ferilskrá sem er betri en hjá flestum öðrum leikmönnum í deildinni. Hann á tólf ár að baki í atvinnumennsku þar sem hann var á mála hjá félögum í Englandi, Noregi, Þýskalandi og Grikklandi auk þess sem hann hefur leikið átta A-landsleiki fyrir Ísland. Hann byrjaði ekki vel - með hrottalegri tæklingu í Lengjubikarnum - en þetta er leikmaður sem á að vera lykilmaður fyrir Stjörnuna. Emil Atlason hefur þá verið einn besti sóknarmaður Bestu deildarinnar síðustu ár og er áfram afar mikilvægur fyrir Stjörnuliðið.

Gaman að fylgjast með: Benedikt Warén
Leikmaður sem spilaði frábærlega með Vestra síðasta sumar og var svo keyptur til Stjörnunnar á mikinn pening. Hann á svolítið að skilja eftir sig skarðið sem Óli Valur Ómarsson skilur eftir sig og það verður mjög áhugavert að fylgjast með því hvernig honum tekst að fylla í það. Afar hæfileikaríkur leikmaður sem fær núna stórt tækifæri í Garðabænum. Kjartan Már Kjartansson er svo sannarlega líka leikmaður sem vert er að fylgjast með í þessu Stjörnuliði og það er hægt að nefna fleiri unga leikmenn.

Spurningamerkin: Verða þeir of óútreiknanlegir? Hvernig munu Andri Rúnar og Emil Atla virka saman? Verður vörnin nægilega sterk?

Völlurinn: Samsungvöllurinn er svo sannarlega ekki flottasti völlur deildarinnar þegar horft er á leiki í sjónvarpinu og það er yfirleitt frekar kalt þegar maður skellir sér á völlinn. En stemningin er góð og Silfurskeiðin lætur ávallt í sér heyra. Þá stendur Dúllubarinn alltaf fyrir sínu.

Komnir:
Samúel Kári Friðjónsson frá Grikklandi
Benedikt V. Warén frá Vestra
Þorri Mar Þórisson frá Öster
Alex Þór Hauksson frá KR
Andri Rúnar Bjarnason frá Vestra
Guðmundur Baldvin Nökkvason keyptur frá Mjällby (var á láni)
Hrafn Guðmundsson frá KR
Aron Dagur Birnuson frá Grindavík
Henrik Máni B. Hilmarsson frá ÍBV (var á láni)
Guðmundur Rafn Ingason frá Fylki

Farnir:
Róbert Frosti Þorkelsson til GAIS
Daníel Laxdal hættur
Hilmar Árni Halldórsson hættur
Þórarinn Ingi Valdimarsson hættur
Mathias Rosenörn í FH
Óli Valur Ómarsson til Breiðabliks (var á láni frá Sirius)
Þorlákur Breki Baxter til ÍBV (á láni)



Leikmannalisti:
1. Aron Dagur Birnuson (m)
12. Árni Snær Ólafsson (m)
33. Guðmundur Rafn Ingason (m)
2. Heiðar Ægisson
3. Tristan Freyr Ingólfsson
4. Þorri Mar Þórisson
5. Guðmundur Kristjánsson
6. Sindri Þór Ingimarsson
7. Örvar Eggertsson
8. Jóhann Árni Gunnarsson
10. Samúel Kári Friðjónsson
11. Adolf Daði Birgisson
14. Jón Hrafn Barkarson
17. Andri Adolphsson
18. Guðmundur Baldvin Nökkvason
19. Daníel Finns Matthíasson
22. Emil Atlason
23. Benedikt Warén
24. Sigurður Gunnar Jónsson
27. Dagur Orri Garðarsson
28. Baldur Logi Guðlaugsson
29. Alex Þór Hauksson
30. Kjartan Már Kjartansson
32. Örvar Logi Örvarsson
37. Haukur Örn Brink
39. Elvar Máni Guðmundsson
41. Alexander Máni Guðjónsson
99. Andri Rúnar Bjarnason
Hrafn Guðmundsson
Henrik Máni B. Hilmarsson

Fyrstu fimm leikir Stjörnunnar:
7. apríl, Stjarnan - FH (Samsungvöllurinn)
14. apríl, Stjarnan - ÍA (Samsungvöllurinn)
23. apríl, Breiðablik - Stjarnan (Kópavogsvöllur)
28. apríl, Stjarnan - ÍBV (Samsungvöllurinn)
5. maí, Afturelding - Stjarnan (Malbikstöðin að Varmá)

Spámennirnir: Anton Freyr Jónsson, Elvar Geir Magnússon, Guðmundur Aðalsteinn Ásgeirsson, Haraldur Örn Haraldsson, Jóhann Þór Hólmgrímsson, Kári Snorrason, Stefán Marteinn Ólafsson, Sverrir Örn Einarsson, Sæbjörn Þór Þórbergsson Steinke, Sölvi Haraldsson, Tómas Þór Þórðarson og Valur Gunnarsson.