Hjörtur er mættur aftur í A-landsliðið
Arnar Gunnlaugsson, þjálfari A-landsliðs karla, hefur kallað Hjört Hermannsson inn í hópinn fyrir leikina gegn Frakklandi og Aserbaísjan í undankeppni HM í næsta mánuði, en hann kemur inn fyrir Orra Stein Óskarsson sem meiddist með Real Sociedad um helgina.
Orri Steinn byrjaði í fremstu víglínu hjá Sociedad gegn Oviedo en fór af velli þegar nokkrar mínútur voru liðnar af síðari hálfleiknum.
Framherjinn meiddist í leiknum og er ljóst að hann getur ekki spilað með landsliðinu þegar það mætir Aserbaísjan og Frakklandi í undankeppni HM í næsta mánuði.
Orri, sem tók við fyrirliðabandinu hjá íslenska landsliðinu fyrr á þessu ári, dettur því út úr hópnum og hefur Arnar kallað varnarmanninn Hjört Hermannsson inn í hans stað.
Miðvörðurinn þrítugi á 29 A-landsleiki og 1 mark fyrir landsliðið, en hann lék síðast með liðinu gegn Tyrkjum í Þjóðadeildinni fyrir ári síðan.
Athugasemdir
