„Ég er vonsvikinn. Við áttum nokkru dauðafæri í framlengingunni sem við náðum ekki að klára. Svo þegar þú ferð í vítaspyrnukeppni er alltaf mikil spenna og smá lottó. Vel gert hjá Víkingi Ólafsvík, þeir unnu vítaspyrnukeppnina og gangi þeim vel í úrslitaleiknum.“ sagði Paul Westren, aðstoðarþjálfari Gróttu, sem stýrði Gróttu í dag í fjarveru Rúnars Páls.
Lestu um leikinn: Grótta 6 - 7 Víkingur Ó.
„Mér fannst við byrja vel og stýra leiknum. Það slokknaði svo á okkur og við hleyptum þeim aftur inn í leikinn. Mér fannst við sýna góðan karakter að halda áfram sem strákarnir hafa gert í allt sumar. Við vorum ekki alltaf við toppinn en klárum tímabilið á 6 sigrum í röð og enduðum í 2. sæti. Það var markmiðið í byrjun að komast upp, hitt markmiðið var að fara í úrslitin en við náðum bara öðru markmiðinu sem gerist stundum. Lengjudeildin leggst vel í okkur á næsta ári.“
Grímur fékk tvö dauðafæri í blálokin í dag, var erfitt að sjá færin hans fara framhjá og í stöngina?
„Já það var erfitt og honum mun pottþétt líða illa yfir því. En hann spilaði mjög vel fyrir okkur í sumar og er afar mikilvægur leikmaður. En allir geta gert mistök og klúðrað færum bara eins og allir varnarmenn geta gert mistök og gefið mörk. Þetta er liðsíþrótt. Við vinnum saman og töpum saman.“
Hvernig er stemningin í liðinu núna?
„Strákarnir eru vonsviknir því þeir vildu komast í úrslitin. Þetta er búið og við kyngjum því. En við verðum að byrja að skipuleggja næsta ár. Ef þú hefðir spurrt mig hvort ég vildi fara upp um deild eða fara í úrslitaleikinn held ég að þú vissir hvað svarið yrði.“
Rúnar Páll Sigmundsosn, þjálfari Gróttu, var hvergi sjáanlegur í dag.
„Hann er fjarverandi, nokkra daga í þessari viku. Þetta var held ég planað með löngum fyrirvara og hann hefur ekki horft á þessa leiki í bikarnum.“ sagði Paul að lokum.
Viðtalið við Paul má sjá í heild sinni í spilaranum hér að ofan.
Athugasemdir
