Leikir dagsins eru gríðarlega mikilvægir þar sem enn er verið að berjast á öllum vígstöðvum deildarinnar. Sex lið eru að berjast um tvö síðustu sætin í efri hlutanum fyrir tvískiptingu.

Eitt þeirra er ÍBV sem tekur á móti botnliði ÍA. Skagamenn þurfa á sigri að halda í fallbaráttunni. Annað þeirra er FH, sem heimsækir nýliða Aftureldingar sem eru einnig í harðri fallbaráttu og þurfa á sigri að halda.

Vestri og KR eru bæði í þessari sex liða baráttu en það eru þrjú stig sem skilja liðin að sem stendur, þar sem Vestri er í efri hlutanum á markatölu á meðan KR er tveimur stigum fyrir ofan fallsvæðið í ótrúlega jafnri deild.

Síðar í dag mæta toppbaráttuliðin til leiks. Þar trónir Valur á toppi deildarinnar sem stendur, með tveggja stiga forystu á Víking R.

Valsarar heimsækja Fram á sama tíma og Víkingur spilar við Breiðablik í risaslag Evrópuveldanna.

Þar á undan spilar Stjarnan við KA í spennandi slag. Garðbæingar eru á frábæru skriði.

Í 2. deild karla mætir Höttur/Huginn til leiks á heimavelli gegn Haukum. Austfirðingar eru í fallsæti og þurfa því á sigri að halda, á meðan Haukar sigla lygnan sjó.

Að lokum eru leikir á dagskrá í 2. deild kvenna, þar sem ÍH þarf sigur til að eiga möguleika á að stela toppsætinu af Selfossi í lokaumferðunum.

Besta-deild karla
14:00 ÍBV-ÍA (Hásteinsvöllur)
14:00 Afturelding-FH (Malbikstöðin að Varmá)
14:00 Vestri-KR (Kerecisvöllurinn)
17:00 Stjarnan-KA (Samsungvöllurinn)
19:15 Fram-Valur (Lambhagavöllurinn)
19:15 Víkingur R.-Breiðablik (Víkingsvöllur)

2. deild karla
14:00 Höttur/Huginn-Haukar (Fellavöllur)

2. deild kvenna - A úrslit
16:00 Völsungur-ÍH (PCC völlurinn Húsavík)

2. deild kvenna - B úrslit
14:00 Vestri-Sindri (Þróttheimar)
16:00 Dalvík/Reynir-Álftanes (Dalvíkurvöllur)

2. deild kvenna - C úrslit
14:00 Einherji-ÍR (Vopnafjarðarvöllur)