Patrik sem er 19 ára gamall er enn gjaldgengur í 2. flokk en hefur verið að spila með meistaraflokki Víkings.

Hann spilaði 13 leiki með Víkingum í 1. deildinni og Borgunarbikarnum í fyrrasumar og skoraði í þeim tvö mörk.

Hann hóf meistaraflokksferil sinn árið áður þegar hann spilaði einn leik í deild og einn í bikar.

Patrik Snær hafði spilað með Víkingum í Lengjubikarnum á árinu en hefur nú ákveðið að söðla um og fara til FH þrátt fyrir að hafa verið með samning við Víkinga út þetta ár.

Patrik er sonur Atla Einarssonar fyrrverandi landsliðsmanns Íslands sem spilaði á sínum tíma í fjölda ára með Víkingum en einnig með FH og Fram.