Ighalo lenti í Manchester í morgun og fréttamaður Sky Sports tók hann tali á flugvellinum.

„Þetta er búin að vera ótrúleg atburðarás, ég er ánægður með að vera kominn til Manchester. Þetta er frábært tækifæri fyrir mig, ég er tilbúinn í verkefnið og ætla leggja mikið á mig við að hjálpa liðinu að enda tímabilið vel."

„Þetta er draumur að verða að veruleika, ég hef verið stuðningsmaður félagsins frá því ég var barn," sagði Ighalo stuttu eftir lendinguna í Manchester í morgun.

Ighalo kemur frá Shanghai Greenland Shenhua í Kína en deildarkeppninni þar í landi hefur verið frestað um óákveðinn tíma vegna kóróna-veirunnar.