Daníel Leó Grétarsson er kominn aftur úr meiðslum og var í byrjunarliði Blackpool í góðum sigri á útivelli gegn Swindon Town í dag.
Daníel Leó er mikilvægur hlekkur í liði Blackpool í ensku C-deildinni og er nýkominn aftur eftir að hafa eignast frumburðinn.
Daníel lék fyrstu 77 mínúturnar í hjarta varnarinnar er Blackpool hélt hreinu og nældi sér í afar mikilvæg stig í umspilsbaráttunni.
Daníel og félagar eru í gallharðri baráttu við félög á borð við Portsmouth, Charlton og Ipswich Town um síðustu umspilssæti deildarinnar.
Swindon 0 - 2 Blackpool
0-1 E. Simms ('44)
0-2 J. Yates ('61)
Jökull Andrésson var þá á milli stanganna í svekkjandi tapi Exeter á útivelli gegn Port Vale í D-deildinni.
Heimamenn í Port Vale skoruðu eina mark leiksins á annarri mínútu og urðu lokatölur 1-0.
Port Vale var betra liðið í leiknum og gerði Jökull vel að halda Exeter í viðureigninni með góðum markvörslum.
Exeter er búið að tapa fjórum af síðustu fimm deildarleikjum sínum en er enn á lífi í baráttunni um umspilssæti.
Port Vale 1 - 0 Exeter
1-0 T. Robinson ('2)
Athugasemdir