Eiður Gauti í baráttunni gegn Fylki í síðustu umferð
Eiður Gauti Sæbjörnsson, leikmaður HK í Bestu deildinni, var borinn af velli í byrjun leiks gegn Breiðabliki í níundu umferð deildarinnar í Kórnum í kvöld.
Lestu um leikinn: HK 0 - 2 Breiðablik
Framherjinn hefur raðað inn mörkunum fyrir Ými síðustu ár en hann skipti aftur yfir í HK í apríl.
Hann var að byrja annan leik sinn og í fyrsta sinn í grannaslag í kvöld, en það var stutt gaman.
Eftir um það bil mínútu fékk hann þungt höfuðhögg eftir samstuð við liðsfélaga sinn í skallaeinvígi framarlega á vellinum. Óhugnanlegt atvik.
Eiður var settur í hálskraga og borinn af velli, en hann er væntanlega á leið upp á spítala í frekari rannsóknir.
Staðan er enn markalaus í Kórnum þegar 32 mínútur eru búnar af leiknum.
Athugasemdir
