Ísak í leik með U21 landsliði Íslands.
Hjörvar Hafliðason, sparkspekingur og þáttastjórnandi Dr Football hlaðvarpsins, segir það bókað mál að Ísak Bergmann Jóhannesson sé á förum frá sænska félaginu Norrköping í janúar.
Miðjumaðurinn er búinn að gera frábæra hluti hjá Norrköping og vakið athygli stórliða víða um Evrópu. Ísak Bergmann er aðeins 17 ára gamall og búinn að spila sinn fyrsta A-landsleik.
Hjörvar segist ekki vita í hvaða félag Ísak er að fara. Skagamaðurinn hefur verið orðaður við félög á borð við Manchester United, Liverpool, Juventus og Real Madrid en sérfræðingar Dr Football telja ekki líklegt að hann fari í það stórt félag næst.
„Hann er að fara í eitthvað félag þar sem hann er að fara að spila. Hann er ekki að fara að spila með U23 liði Arsenal eða Juventus," sagði Kristján Óli Sigurðsson og bætti við: „Er ekki Holland flott næsta skref?"
„Jú, það er klárt mál. Hann getur spilað í fullt af liðum þar, meðal annars AZ Alkmaar. Þeir eru mjög virkir í að taka stráka frá Svíþjóð," sagði Hrafnkell Freyr Ágústsson.
Einnig töluðu þeir um Red Bull Salzburg í Austurríki sem flottan möguleika fyrir Ísak.
Hlusta má á þáttinn í heild sinni hér að neðan.
Ísak Bergmann er að fara frá Norrköping núna í janúar en þrátt fyrir virkt samtal þá vilja Skagamenn ekki segja hvert.
— Hjörvar Hafliðason (@hjorvarhaflida) December 30, 2020
Brighton unnu einn leik heima á árinu og danskur gaur tekur víti fyrir Barcelaona.https://t.co/iLUgAyer1u
Athugasemdir
