Spánn: Girona marði sigur á Las Palmas

Girona lagði Las Palma að velli, 2-1, í La Liga á Spáni í kvöld en Girona eygir von á að komast í Evrópukeppni annað árið í röð.

Spænski framherjinn Abel Ruiz kom Girona yfir á 8. mínútu en klikkaði síðan á vítaspyrnu undir lok hálfleiksins.

Ruiz var létt þegar Yaser Asprilla, liðsfélagi hans, tvöfaldaði forystuna á 79. mínútu.

Fabio Silva, sem er á láni hjá Las Palmas frá Wolves, minnkaði muninn þremur mínútum síðar en lengra komust Kanaríeyjamenn ekki og lokatölur 2-1, Girona í vil.

Girona er í 7. sæti með 31 stig, einu stigi frá Evrópusæti, en Las Palmas í 15. sæti með 23 stig.