Ásmundur Arnarsson.
Ásmundur Arnarsson, þjálfari Fylkis var að vonum ánægður með 3-2 sigur sinna manna gegn Njarðvík í dag en það mátti ekki tæpara standa. Njarðvík leiddi, 2-0 þegar skammt var eftir en Fylkir kom til baka og sigraði.
Ási segir að þetta hafi allt verið planað.
Ási segir að þetta hafi allt verið planað.
Lestu um leikinn: Fylkir 3 - 2 Njarðvík
„Já, eigum við ekki að segja það? Þessi leikur sýnir betur en annað hvað bikarkeppnir geta verið skemmtilegar. Það koma ansi oft óvænt úrslit."
„Við gerðum okkur grein fyrir því að Njarðvík myndi gefa okkur leik hérna í dag. Þeir börðust vel og stóðu fyrir sínu."
Ási er ekki sáttur við leikinn en hann er sáttur við að liðið sitt kom til baka.
„Við gerðum tvö mistök og það setur okkur í verulega erfiða stöðu. Við erum alls ekki sáttir við leikinn en við sýndum karakter og komum til baka."
„Það gefur alltaf sjálfstraust að vinna leiki og við sýndum í lokin að það getur verið kraftur í okkur."
Athugasemdir
