Októbermánuður er nýgenginn í garð og það er kominn vetur fyrir norðan.
Það er búið að snjóa á Akureyri og í nágrenni, þar á meðal á Grenivík þar sem stórleikur Magna og Þórs átti að fara fram í dag. Sá leikur getur ekki farið fram þar sem Grenivíkurvöllur er snæviþakinn.
Leikurinn átti að fara fram klukkan 14 í dag en mun þess í stað fara fram sólarhring síðar, klukkan 14 á morgun.
Magni biðlar til þeirra Grenvíkinga sem geta að koma og hjálpa til við að skafa af vellinum klukkan 13 í dag.
KA birtir mynd af Greifavellinum á Twitter í dag og bendir á að það séu þrjár vikur í heimaleik gegn Val í Pepsi Max-deildinni. Það er síðasti heimaleikur tímabilsins hjá KA, en næsti heimaleikur liðsins er gegn FH 15. október.
KF á heimaleik gegn Þrótti Vogum í 2. deild á Ólafsfjarðarvelli í dag og spurning hvernig fer með þann leik. Dalvík/Reynir á heimaleik gegn Haukum en sá leikur fer fram á góðu gervigrasi.
Öllum deildum hefur seinkað á þessu tímabili vegna kórónuveirufaraldursins
3 vikur í heimaleik á móti Val. 🥶🥶 pic.twitter.com/1JLWNcqJK1
— KA (@KAakureyri) October 3, 2020
Athugasemdir