Ítalía: Mikael lék í grátlegu tapi gegn Inter - Kean hetja Fiorentina

Moise Kean tryggði liðinu sigurinng gegn Torino í dag en hann skoraði þegar hann potaði boltanum framhjá Vanja Milinkovic-Savic markverði Torino eftir langa sendingu frá Luca Ranieri.

Roma hefur verið í brasi á þessu tímabili en liðið tapaði gegn Verona í dag. Það var dramatík þar sem Flavius Daniliuc skoraði sigurmarkið undir lok leiksins.

Mikael Egill Ellertsson byrjaði á bekknum þegar Venezia heimsótti Inter í lokaleik dagsins. Henrikh Mkhitaryan kom boltanum í netið snemma í seinni hálfleik eftir undirbúning Federico Dimarco en hann var dæmdur rangstæður í aðdragandanum.

Hann gafst ekki upp því um korteri síðar átti hann fyrirgjöf sem Lautaro Martinez skallaði í netið.

Mikael Egill kom inn á sem varamaður þegar stundafjórðungur var til loka venjulegs leiktíma. Það var svakaleg dramatík á lokasekúndunum en Marin Sverko skoraði fyrir Venezia en VAR skoðaði atvikið og sá að hann fékk boltann í höndina og markið dæmt af.

Verona 3 - 2 Roma
1-0 Casper Tengstedt ('13 )
1-1 Matias Soule ('28 )
2-1 Giangiacomo Magnani ('34 )
2-2 Artem Dovbyk ('53 )
3-2 Abdou Harroui ('88 )
Rautt spjald: Dailon Rocha Livramento, Verona ('90)

Inter 1 - 0 Venezia
1-0 Lautaro Martinez ('65 )

Torino 0 - 1 Fiorentina
0-1 Moise Kean ('41 )