Fyrstu leikjunum í Lengjudeildinni er lokið en Breiðablik fékk Selfoss í heimsókn í Fífuna og Bestudeildarliðin Keflavík og KA mættust.
Í Fífunni voru heimamenn marki yfir í hálfleik en Guðmundur Tyrfingsson fékk vítaspyrnu eftir rúmlega klukkutíma leik. Hann tók spyrnuna sjálfur og jafnaði metin.
Blikar svöruðu hins vegar með tveimur mörkum og unnu að lokum 3-1. Patrik Johannesen skoraði eitt mark og Stefán Ingi Sigurðarson kom inn á af bekknum og skoraði tvö.
KA var marki yfir gegn Keflavík í hálfleik þar sem Daníel Hafsteinsson stangaði fyrirgjöf frá Þorra Mar Þórissyni í netið.
Keflavík komst hins vegar til baka í síðari hálfleik. Sindri Þór Guðmundsson jafnaði metin og Axel Ingi Jóhannesson tryggði Keflavík sigurinn.
Breiðablik 3-1 Selfoss
Mörk Breiðabliks: Patrik Johannesen og Stefán Ingi x2.
Mark Selfoss: Guðmundur Tyrfingsson
Keflavík 2-1 KA
Mörk Keflavíkur: Sindri Þór og Axel Ingi
Mark KA: Daníel Hafsteinsson
