Hákon Arnar Haraldsson og Ísak Bergmann Jóhannesson byrjuðu báðir á bekknum en Hákon kom inn á sem varamaður snemma í síðari hálfleik en þá var FCK 1-0 undir.
Á 83. mínútu jafnaði FCK metin en Hákon lagði upp markið á Viktor Claesson. 1-1 lokatölur
Ísak kom ekkert við sögu í leiknum. Þetta er annað árið í röð sem FCK verður danskur meistari.
AGF tryggði sér sæti í Sambandsdeildinni eftir ótrúlegt jafntefli gegn Bröndby. Bröndby komst í 3-0 á 67. mínútu en AGF var manni færri frá 37. mínútu.
AGF minnkaði muninn á 74. mínútu og sex mínútum síðar fékk Bröndby rautt spjald. Áður en flautað var til leiksloka tókst AGF að skora tvö mörk og tryggja sér stig sem tryggði liðinu sæti í Sambandsdeildinni á næstu leiktíð.
Mikael Anderson var í byrjunarliðinu en fór meiddur af velli eftir um klukkutíma leik.
