Fólk horfir þá væntanlega frekar á síðustu þrjá leiki riðilsins og telur raunhæfara að sækja stigin sem þarf úr þeim. Á fréttamannafundi í dag sagði Lagerback að liðið væri óhrætt við að stefna á sigur en ljóst er að eitt stig yrði afskaplega fínt.

Sviss er besta lið riðilsins. Taflan lýgur ekki og Sviss hefur ekki tapað leik. Að auki hefur það aðeins fengið eitt mark á sig.

Eins og bent hefur verið á þá hefur Sviss ellefu leikmenn í lokakeppni Meistaradeildar Evrópu samanborið við tvo sem við eigum.

Að mínu mati var besta frammistaða Íslands í riðlinum einmitt heimaleikurinn gegn Sviss. Heppnin var þó með gestunum í þeim leik. Kannski heppni sem einmitt vill fylgja þetta góðum liðum.

Íslenska liðið lék fantavel í þeim leik og var óheppið að ná ekki inn marki. Ísland var alls ekki síðra liðið úti á vellinum en mörkin telja.

Eins og Kolbeinn og Aron töluðu um í dag þá er engin ástæða til að hræðast svissneska liðið. Ísland er flott lið og hefur aldrei átt eins marga leikmenn sem geta með einstaklingsframtaki galdrað eitthvað fram.

Vonandi kemur Ísland á óvart á föstudag.