Spánn: Góðir sigrar hjá Valencia og Villarreal - Braithwaite hetja Espanyol

Braithwaite gekk í raðir Espanyol á dögunum eftir að hafa rift samningi sínum við Barcelona en það tók hann ekki langan tíma að stimpla sig inn hjá litla liðinu í Barcelona-borg.

Hann var settur í byrjunarliðið í fyrsta leik og gerði svo sigurmarkið á 83. mínútu gegn Athletic Bilbao. Þetta var fyrsti sigur Espanyol sem er með 4 stig eftir fjóra leiki.

Valencia pakkaði Getafe saman, 5-1. Liðið náði þriggja marka forystu á fyrstu sextán mínútum leiksins og bættu svo við tveimur mörkum áður en Pedro Sosa gerði sárabótarmark fyrir Getafe undir lokin.

Bæði lið kláruðu leikinn með tíu leikmenn. Ilaix Moriba fékk rautt spjald í liði Valencia á 88. mínútu og Mauro Arambarri sömuleiðis nokkrum mínútum síðar.

Villarreal vann Elche, 4-0. Liðið leiddi með tveimur mörkum í hálfleik áður en Francis Coquelin og Jose Morales kláruðu dæmið undir lok leiksins.

Úrslit og markaskorarar:

Osasuna 2 - 1 Rayo Vallecano
1-0 Aimar Oroz ('54 )
1-1 Florian Lejeune ('75 )
2-1 Ruben Garcia ('90 )

Athletic 0 - 1 Espanyol
0-1 Martin Braithwaite ('83 )

Villarreal 4 - 0 Elche
1-0 Alberto Moreno ('26 )
2-0 Giovani Lo Celso ('36 )
3-0 Francis Coquelin ('89 )
4-0 Jose Luis Morales ('90 )

Valencia 5 - 1 Getafe
1-0 Lato Toni ('7 )
2-0 Lino ('14 )
3-0 Samu Castillejo ('16 )
4-0 Nicolas Gonzalez ('65 )
5-0 Hugo Duro ('68 )
5-1 Pedro Gaston Alvarez Sosa ('78 )
Rautt spjald: ,Moriba Ilaix, Valencia ('88)Mauro Arambarri, Getafe ('90)