Chris Smalling varnarmaður Manchester United hefur á þessu tímabili leikið á láni hjá Roma á Ítalíu.
Smalling kom mörgum á óvart, hann var fljótur að aðlagast á Ítalíu og hefur spilað vel.
Nú hefur Paulo Fonseca knattspyrnustjóri Roma greint frá því að hann vilji halda Smalling hjá félaginu.
„Hann hefur komið mér á óvart. Hann er varnarmaður sem aðeins hafði leikið á Englandi áður en hann kom til Ítalíu þar sem fótboltinn er að mörgu leyti öðruvísi."
„Chris var fljótur að aðlagast, hann er góður og klár náungi. Ef mögulegt er myndi ég vilja halda honum, hann er frábær atvinnumaður og persóna, það er mjög ánægjulegt að hafa hann hér hjá okkur," sagði Paulo Fonseca.
Athugasemdir
