Króatíski sóknartengiliðurinn Nikola Vlasic var hetja Torino er liðið vann Lecce, 1-0, í Seríu A á Ítalíu í dag.

Vlasic kom til Torino á láni frá West Ham United í sumar, en hann náði ekki að finna sig á Englandi og ákvað því að reyna fyrir sér á Ítalíu.

Þar er hann að slá í gegn en hann gerði þriðja mark sitt í deildinni í kvöld. Sigurmarkið kom á 40. mínútu leiksins. Hann átti gott hlaup inn í teiginn og lagði hann snyrtilega í hægra hornið.

Þórir Jóhann Helgason sat allan tímann á bekknum hjá Lecce.

Torino er í 6. sæti með 10 stig en Lecce í 17. sæti með 2 stig eftir fimm umferðir.