Eiginkona markvarðarins Sergio Romero hefur látið í ljós óánægju sína með Manchester United.
Romero hefur verið varamarkvörður Manchester United frá 2015, en núna er Argentínumaðurinn orðinn þriðji markvörður á eftir David de Gea og Dean Henderson.
Svo virðist sem Romero verði áfram hjá Man Utd þrátt fyrir það. Hann var í dag orðaður við Everton sem vildi fá hann á láni, en Man Utd var aðeins tilbúið að selja hann - ekki lána.
Eliana Guercio, eiginkona Romero, lét Man Utd heyra það á Instagram fyrir það hvernig félagið hefur komið fram við eiginmann sinn.
„Sergio Romero er búinn að leggja mikið á sig fyrir þetta félag. Síðasti bikar sem þeir unnu, þeir lyftu honum með honum. Hann hjálpaði félaginu að komast í fjóra úrslitaleiki/undanúrslitaleiki og þeir töpuðu þeim öllum með hann á bekknum. Það er komið að því að leyfa honum að fara. Virðingu einu sinni!"
Sergio Romero’s wife takes aim at Manchester United on Instagram. (Source: IG/elianaguarcio12) pic.twitter.com/kCS1sQ3wb3
— Transfer News Live (@DeadlineDayLive) October 5, 2020
Athugasemdir
