Championship: Kanarífuglarnir án sigurs eftir tvo leiki

Önnur umferðin í Championship deildinni heldur áfram í dag en fyrsti leikur á dagskrá var á milli Norwich og Wigan. Bæði lið eru nýliðar í deildinni.

Norwich féll í fyrra úr deild þeirra bestu á meðan Wigan komst upp úr League One deildinni.

Leiknum lauk með jafntefli en James McClean kom Wigan yfir í fyrri hálfleiknum. Gestirnir leiddu þegar flautað var til leikhlés.

Maximilian Aarons, sem hefur reglulega verið orðaður burt frá Norwich, jafnaði hins vegar metin og sá til þess að Kanarífuglarnir tækju eitt stig.

Norwich er með eitt stig eftir tvo fyrstu leikina en Wigan er með tvö.