Championship: Stefán Teitur spilaði í markalausu jafntefli gegn toppliðinu

Stefán hefur verið inn og út úr liðinu hjá Preston á þessu tímabili.

Hann lék allan leikinn í deildabikarnum gegn Arsenal á dögunum en var síðan ónotaður varamaður í síðasta leik og lék þá síðustu tíu mínúturnar í kvöld.

Preston er án sigurs í síðustu fjórum leikjum og er nú í 20. sæti með 15 stig.

Leeds United tapaði fyrir Milwall, 1-0. Japhet Tanganga, fyrrum leikmaður Tottenham, skoraði sigurmark Millwall á 40. mínútu leiksins. Leeds er í 3. sæti með 26 stig.

Arnór Sigurðsson var þá ekki í leikmannahópi Blackburn Rovers sem tapaði fyrir Stoke City, 2-0, á Ewood Park. Hann er að glíma við meiðsli og mun ekki snúa aftur fyrr en eftir landsleikjaverkefnið.

Blackburn er í 10. sæti með 19 stig.

Millwall 1 - 0 Leeds
1-0 Japhet Tanganga ('40 )

Blackburn 0 - 2 Stoke City
0-1 Million Manhoef ('57 )
0-2 Tom Cannon ('85 , víti)

Coventry 1 - 2 Derby County
0-1 Jerry Yates ('11 )
0-2 Bobby Thomas ('73 , sjálfsmark)
1-2 Tatsuhiro Sakamoto ('77 )

Luton 1 - 0 Cardiff City
1-0 Jacob Brown ('57 )

Preston NE 0 - 0 Sunderland