Arnar Grétarsson.
„Það er ekki annað hægt," sagði Arnar Grétarsson, þjálfari Vals, spurður að því hvort hann væri ekki býsna sáttur eftir 5-0 sigur gegn KR í Bestu deildinni í kvöld.
Lestu um leikinn: Valur 5 - 0 KR
„Mér fannst við ráða ferðinni í fyrri hálfleik og skoruðum stórglæsileg mörk. Það hefði gert leikinn leiðinlegan en það var klárt víti og rautt spjald í stöðunni 2-0. Þá hefði leikurinn verið búinn. Sem betur fer hafði það ekki áhrif á leikinn. KR kom aðeins á okkur fyrsta korterið í seinni. Við erum oft sjálfum okkur verstir... en við kláruðum leikinn með fallegum mörkum. Ég er gríðarlega sáttur."
„Menn tala oft um þetta þriðja mark sem drepur leiki. Ég held að það hafi gert það í dag. Mér fannst við vera með stjórn á leiknum eiginlega allan tímann. KR sótti aðeins á okkur í seinni hálfleik en mér fannst þeir ekki skapa sér mikið," sagði Arnar glaður eftir leikinn og benti á þá óvæntu staðreynd að þetta er fyrsti deildarleikurinn í sumar þar Valur heldur hreinu.
Arnar hrósaði bakvörðunum sínum, Birki Má Sævarssyni og Sigurði Agli Lárussyni.
„Það er hægt að kalla þetta hálfgerða rennilása sem fara upp og niður. Þeir eru að spila gríðarlega vel eins og allt liðið."
Hægt er að horfa á allt viðtalið í spilaranum hér að ofan þar sem Arnar ræðir meðal annars um varnarleikinn og toppbaráttuna.
Athugasemdir
