Það fóru þrír leikir fram í efstu deild franska boltans í dag þar sem ríkjandi meistarar Paris Saint-Germain heimsóttu Nice í lokaleik dagsins.
PSG var talsvert sterkari aðilinn og skoraði Nuno Mendes úr vítaspyrnu undir lok fyrri hálfleiks.
Désiré Doué tvöfaldaði forystuna í upphafi síðari hálfleiks og fékk Youssouf Ndayishimiye að líta beint rautt spjald fyrir gróft brot á 61. mínútu.
Hinn bráðefnilegi Dro Fernández kom inn af bekknum og skoraði fimm mínútum síðar, en PSG stal honum úr röðum Barcelona í janúar. Þetta var fyrsta mark Dro frá félagaskiptunum.
Dro er aðeins 18 ára gamall og skoraði tvítugur Warren Zaïre-Emery fjórða og síðasta mark leiksins skömmu síðar, svo lokatölur urðu 0-4.
PSG endurheimtir toppsæti Ligue 1 með þessum sigri og er liðið einu stigi fyrir ofan Lens og með leik til góða í þokkabót.
Auxerre og Toulouse unnu á heimavelli í öðrum leikjum dagsins.
Nice 0 - 4 PSG
0-1 Nuno Mendes ('42, víti)
0-2 Desire Doue ('49)
0-3 Dro Fernandez ('81)
0-4 Warren Zaire-Emery ('85)
Rautt spjald: Youssouf Ndayishimiye, Nice ('61)
Auxerre 3 - 0 Brest
Toulouse 1 - 0 Lorient
Athugasemdir
