Championship: Brentford og Fulham halda pressunni uppi

Brentford var undir gegn Charlton þar til á lokakafla leiksins þegar Said Benrahma og Ethan Pinnock snéru stöðunni við.

Brentford er í þriðja sæti eftir sigurinn, tveimur stigum frá West Brom sem er í öðru sæti en á leik til góða. Leikurinn var einnig mikilvægur fyrir Charlton í fallbaráttunni. Félagið er tveimur stigum fyrir ofan fallsvæðið eftir tapið.

Það var Harry Arter, sem er að láni frá Bournemouth, sem gerði eina mark leiksins er Fulham lagði Nottingham Forest á útivelli.

Aðeins tvö stig skildu liðin að í umspilsbaráttunni en nú er Fulham með fimm stiga forystu.

Brentford 2 - 1 Charlton Athletic
0-1 Macauley Bonne ('8 )
1-1 Said Benrahma ('75 , víti)
2-1 Ethan Pinnock ('85 )

Nott. Forest 0 - 1 Fulham
0-1 Harry Arter ('45 )

Luton og Barnsley skildu jöfn í botnslag deildarinnar. Eitt stig skilur liðin að á botninum, þar sem Barsnley er fyrir ofan, þremur stigum frá öruggu sæti.

Reading og Huddersfield gerðu einnig jafntefli. Ekkert mark var skorað í leiknum og er Huddersfield þremur stigum frá fallsæti.

Luton 1 - 1 Barnsley
1-0 Luke Berry ('13 )
1-1 Aapo Halme ('84 )

Reading 0 - 0 Huddersfield