Fótbolti.net

Kári Árna: Týndu synirnir eru komnir aftur heim

Viktor Bjarki aðstoðar Sölva: Verið draumur mjög lengi

Sölvi fengið góðan skóla og stígur nú í stóra skó - „Búinn að heilaþvo mann síðustu sex árin"

Endurnýjar kynnin við Arnar - „Vona að hann hafi lært eitthvað"

Arnar í draumastarfið: Ótrúlega ljúft en að sama skapi smá sorg

Eyþór með skýr markmið í nýju liði - „Þetta er bara mín vinna"

Atli Þór í skýjunum: Víkingur var eina liðið sem ég hafði auga á

Alex er kominn heim: Mig langaði að fara í bláu treyjuna aftur

Benoný stýrði víkingaklappinu með stuðningsmönnum eftir fyrsta leikinn sinn

Stígur út úr þægindarrammanum og fer norður - „Nú fer ég og kíki í mat til hennar"

Hákon segir allt risastórt hjá Lille - „Vinur minn vill að ég taki Nunez treyjuna"

Glódís Perla: Ótrúlega dýrmætt og mun aldrei gleyma því

Kominn heim eftir dvöl í Portúgal og á Ítalíu - „Er enn með stóra drauma"

Ekki erfitt að segja tengdapabba frá ákvörðuninni - „Tími til þess að breyta til"

Frétti á Instagram að hann yrði ekki áfram í Kanada - „Eins og er, þá er það ekki planið"

Sjáðu mörkin úr leik Fram og KR

Valdimar Þór: Smá einbeitingarleysi sem er stórhættulegt í þessari keppni

Glímir við sama vandamál og Guardiola - „Hvenær endar lærdómurinn?"

Ari Sigurpáls: Heiður að þeir hafi áhuga

Sjáðu mörkin úr Bose mótinu um helgina - Eiður byrjaði vel hjá KR

sun 07. ágúst 2022 22:15

Haraldur Örn Haraldsson

Óskar Hrafn: Þú getur ekki valið leiki sem þú kennir þreytu um

Mynd: Fótbolti.net - Hafliði Breiðfjörð

Óskar Hrafn Þorvaldsson þjálfari Breiðabliks var svekktur eftir að liðið hans tapaði 5-2 fyrir Stjörnunni í Garðabænum í kvöld.

Lestu um leikinn: Stjarnan 5 - 2 Breiðablik

„Ég er auðvitað bara svekktur með frammistöðuna, svekktur með niðurstöðuna en við verðum bara að vera auðmjúkir. Frammistaðan var ekki nógu góð að það er bara eins og það er. Engin dramatík í því, við spilum ekki nógu vel og uppskárum kannski svona eins og við sáðum."

Þetta er bara annað tap Blika í deildinni en hvað var það þá sem klikkaði í leik þeirra í kvöld?

„Ég veit það ekki, mér fannst eiginlega bara frá byrjun vanta orku og einhvern svona kraft og þennan dugnað sem hefur einkennt okkur og þó eftir markið hjá þeim og kannski svona fyrstu 20 mínúturnar fram að markinu okkar fannst mér við vera lifna við og stjórna leiknum en svo einhvernvegin hleypum við þeim aftur inn í leikinn og fáum á okkur 2 mörk fyrir hlé og þá var þetta eihvernvegin alltaf á brattan að sækja og við höfðum ekki orkuna og kraftin til þess að ná eitthvað meira heldur en þetta."

Breiðablik er ennþá í 3 keppnum þ.e.a.s. deild, bikar og evrópu. Er þetta þreytumerki?

„Nei þetta er ekki þreyta, þetta er eitthvað annað. Þetta er kannski meira spennufall eða eitthvað svona. Þetta er alls ekki þreyta, við erum búnir að spila marga leiki að undanförnu og höfum verið kraftmiklir þar þannig þú getur ekki bara valið þér leiki sem þú kennir þreytu um. Þannig við verðum bara að vera auðmjúkir og bara horfast í augu við það að við vorum ekki nógu kraftmiklir og því fór sem fór."

Breiðablik liggur núna 3-1 undir í viðureign sinni á móti İstanbul Başakşehir í Sambands deildinni. Hverjar eru væntingarnar fyrir þeim leik?

„Mínar væntingar eru bara að við náum að fylgja eftir góðum leik á kópavogsvelli á fimmtudaginn sem ég var mjög ánægður með og mér fannst við standa þeim vel jafnfætis og gott betur í þeim leik og áttum skilið að fá meira út úr honum. Við förum þangað til að ná eins hagstæðum úrslitum og kostur er, við ætlum að reyna vinna þá og sjáum hvað við komumst langt með það."