,,Ég er svekktur með tapið en mér fannst við spila nógu vel til að fá eitthvað út úr því," sagði Þorvaldur Örlygsson þjálfari HK eftir 2-0 tap gegn Selfossi í úrslitaleik B-deildar Fótbolta.net mótsins í gær.
Þorvaldur kvartaði yfir því að Pétur Guðmundsson dómari hafi ekki rekið Bergstein Magnússon af velli þegar hann dæmdi vítaspyrnu eftir klukkutíma leik og vildi fá annað víti frá Pétri en varð ekki að ósk sinni.
,,Í fyrri hálfleik nýta þeir færið sem þeir fá og við erum að elta. Við fáum víti til að jafna og áttum að fá annað. Svo er spurning hvort ef dómarinn hefði verið á tánum og í betra formi þá hefði hann kannski rekið markmanninn útaf. En hann gaf honum ekki einu sinni gult spjald og við áttum að fá víti aftur seinna. En við nýttum ekki færin sem við fengum og úr sem varð að þeir urðu hlutskarpari í dag."
