Það fóru fram tveir leikir í skosku úrvalsdeildinni í dag. Ísak Snær Þorvaldsson kom inn á sem varamaður þegar St Mirren tapaði á útivelli gegn lærisveinum Steven Gerrard í Rangers.
Alfredo Morelos, sem hefur verið mikið orðaður við önnur félög, skoraði tvennu í 3-0 sigri.
Ísak kom inn á af bekknum á 84. mínútu þegar staðan var 3-0. Ísak, sem er 19 ára miðjumaður, er á láni frá Norwich. St Mirren er með þrjú stig eftir tvo leiki á meðan Rangers er með sex stig.
Það kom í ljós fyrr í dag að Celtic verður andstæðingur KR í forkeppni Meistaradeildarinnar. Þjálfarar KR fylgdust með Celtic í dag þegar liðið gerði óvænt jafntefli á útivelli gegn Kilmarnock. Leikurinn endaði 1-1 eftir að Celtic tók forystuna á 11. mínútu. Kilmarnock jafnaði úr vítaspyrnu á 24. mínútu.
Celtic, sem er skoskur meistari, er með fjögur stig eftir tvo leiki. Leikur Celtic við KR fer fram í Skotlandi og verður annað hvort 18. eða 19. ágúst.
Athugasemdir